"عيد اليتامه" .. الشاعر علي الملا الخزاعي

(عيد اليتامة)

حسيت ابدلالك من اجه العيد

يالفراكك كلف وشلون اكابر

العيد الفات احضر بدلتي بليل

وشطلب منك انته تكول حاضر

وماتقبل ابد امشي انه عالكاع

تخليني ابوسط ذيج النواظر

وهسه بطرك خاطر عندي مكسور

وشيجبر بعد كسر الخواطر ؟؟

بدلتي اتحضرت بس سوده بالعيد

وعايدت المكابر بالمكابر !!!

ومو هذا الهظمني وهيج الروح

بس موقف جرحني وزاد وني

جنت احلم وكولن بس اصد ليك

تكوم امن الكبر بويه وتظمني

وامك كل صباح احزانهه اتزيد

وصباح الخير وين الكاك يبني

صباح العيد هذا وكلبي مشتاك

وظهري اخلاف عينك يمه محني

وابوك اعكاله ذبه وصاح وشصاح

خذاك البين يبني بساع مني

زرع دمك يخضر كله شجعان

وجفك للنشامه ايصير معبر

انته الخوفت عدوانك اسنين

وجلد الموت منك هسه كزبر

يالمنك عدوك بعده ماجور

ورعب منك عدوك كلبه خضر

معزب كل وكت لاماترد ظيف

وعزبت الرصاص ابصدرك اكثر

تعال وخل اشبكك شبكت اوداع

ولاريدك ابد مني التعذر

افراكك جن سهم صاباني بالروح

وذكرك اعله كلبي اتكول خنجر

جميل جدا يا ضياء المالكي

بعيد اليتامه ما هل الهلال
محروم من الحلم وحتى الامال

الثقافة هدفنا كتب:: جميل جدا يا ضياء المالكي

بعيد اليتامه ما هل الهلال
محروم من الحلم وحتى الامال

تحياتي لك شكراً لمرورك