وصلتني هذه القصيده بواسطة الايميل من احد اصدقاء الفيسبوك بمناسبة عيد الغدير المبارك
وهي لشاعرنا الاخ
مشير السعيدي
الغدير
ينشدني اليكرهك ليش اذوب اوياك
كتله عناد احبه چي تكرهونه
بس هي الحقيقه امن الصلب نهواك
لكن گوه اعاند وافكس اعيونه
اصحه اشبيك كتله الياوكت غافين
كتاب الله الصميدع يمته تقرونه
علي ابساگ العرش مخطوط فوگ اللوح
من نور الجلاله اللوح مظمونه
لافتى الا علي اولا سيــــف
الا ذو الفقار التعرف افنونـــــــه
توگه الدين غيره اوصار عدكم دين
بس الماله غيره اتوهدنه اظنونه
الشاهد باب خيبر من ترهدن بيه
امتونك شلعته لوشلعته امتونـــه
والخندگ يسولف عن علينه اقرون
چم ملعون زور وبن ملعونـــه
اگلوب الزلم وصلت طارف الزردوم
الحيد التوه السانه اوصرچت اسنونه
برز ثقل الرساله لثقل كفر الكون
اوصار اگبال حيدر عمر بزونه
ماسل سيف حيدر چنه سل الگاع
مهي السبعه اوارضها ابچفه مرهونه
چفاها ابعمر ابن ود بس حضر جبريل
اوخاف الله اوحكمته ابدنيته اوكونه
اوچاكلها ابجهنم شلع ذاك اليوم
يطويها اويسلم لله كيلونـــــــــــه
علي اوشحچي ابعلي وشلون الم معناه
واخلاقه ابمحمد عجن معجونه
لذلك امنه ابحجت الوداع الدين
لن يدري الصميده ابهامته ايصونه
اولن يدري الولايه اولام داحي الباب
يلوگ الها اوعلى الباقين مخبونه
مامد يوم سفره اوجامل الشبعان
اويفرش للفقير اسماط قانونه
ماسرفن اذراعه اوقدموله اشكال
خبز اشعير يابس زاد ماعونه
من يسجد علي ينخطف لون الكون
ماهو الكون يضوي ابسحنته اولونه
مشير السعيدي